滑水梯$17就有得「瀡」

   编辑: -
游泳池开放时间一定要Mark实,因为夏天嚟到啦!想玩水就唔一定要去外国嘅水上乐园,其实香港公众游泳池好多都有好正嘅滑水梯,部分又长又快都几刺激下,最重要係畀$17已经可以任玩,成日去仲可以买月票!以下精选其中9个,等大家初夏开始已经可以平玩水!

9大公众游泳池滑水梯+游泳池开放时间

平日一至五,香港公众游泳池入场费都只係 $17,而月票就每月$300。全香港44个公众泳池入面,居然有成22间有滑水梯嘅!但嚟玩就要拣最特别同刺激嘅,所以今次就拣咗呢9个啦!

1.将军澳游泳池

滑水梯数目:4高度:3.65米,6.25米(各2条)

喺呢9间里面滑梯数目位居前三!高度分两种,要刺激又得,试下玩又怕太高又可以玩,总之一家大细都啱玩。如果玩闷咗果阵仲可以过跳水池玩㖭!

滑水梯$17就有得「瀡」
泳池内4条滑水梯有高有低,任君选择
滑水梯$17就有得「瀡」
游泳池开放时间

(夏季开放时间)游泳池开放时间:0630-2200 (暂停开放时段:12:00-13:00及18:30-19:30)逢星期一休息地址:将军澳运隆路9号查询:2706 7646 / 2706 6767

2.西贡游泳池

滑水梯数目:2高度:4.1米(统一高度)

一到假日,将军澳游泳池好多时候都会多人。一场入到将军澳又唔想冇啦啦出番去,同埋唔想同人迫嘅话,西贡游泳池会係你嘅另一选择!滑水梯数目上虽然比将军澳少,但假日唔会好多人。玩完水又可以去番西贡食海鲜,咁就可以西贡一日游啦!

滑水梯$17就有得「瀡」
西贡游泳池
滑水梯$17就有得「瀡」
嬉水池size都唔细,一家大细啱晒!

(夏季开放时间)游泳池开放时间:0630-2200 (暂停开放时段:12:00-13:00及18:30-19:30)逢星期三休息地址:西贡惠民路12号查询:2792 7285 / 2791 3100

最高滑水梯!3.马鞍山游泳池

滑水梯数目:4高度:4.3米,9米(各2条)

9米!?你冇睇错,亦都唔係我打错!係呢9间中嘅最高,同时都係全香港速度最快嘅滑水梯!由于9米滑水梯比较少曲,可以畀玩嘅人高空睇(几秒)海景。同时当中3个嬉水池都可以一覧吐露港景色,绝对值得一去!

滑水梯$17就有得「瀡」
不得了,嬉水池佔咗成个泳池差唔多一半!
滑水梯$17就有得「瀡」
认住泳池正门啦!
滑水梯$17就有得「瀡」
有得睇吐露港,正!

(夏季开放时间)游泳池开放时间:06:30-22:00 (暂停开放时段:12:00-13:00及18:30-19:30)逢星期二休息地址:马鞍山鞍骏街33号查询:2641 0776 / 2634 0111

4.显田游泳池

滑水梯数目:2高度:4.22米(统一高度)

住係沙田区嘅你唔想同人迫,可以考虑去呢间。滑水梯有可爱嘅鲸鱼做装饰,同时嬉水池又有水枪。想过下滑水梯瘾同轻鬆过下亲子时光,呢间会係你嘅choice。

滑水梯$17就有得「瀡」
显田游泳池
滑水梯$17就有得「瀡」
显田游泳池

(夏季开放时间)游泳池开放时间:06:30-22:00 (暂停开放时段:12:00-13:00及18:30-19:30)逢星期二休息地址:沙田大围车公庙路68号查询:2607 3423 / 2634 0111

5.青衣游泳池

滑水梯数目:3高度:4.85米(统一高度)

对第一次玩滑水梯嘅人,青衣泳池会係一个好嘅入门地点。高度上接近5米,但因为斜度不大,所以速度唔算太快,第一次玩都唔会怕太快而有阴影。

滑水梯$17就有得「瀡」
落水水深唔高,唔识游水都玩得!
滑水梯$17就有得「瀡」
青衣游泳池

(夏季开放时间)游泳池开放时间:06:30-22:00 (暂停开放时段:12:00-13:00及18:30-19:30)逢星期四休息地址:青衣青敬路51号查询:2435 6407 / 2424 7201

6.城门谷游泳池

滑水梯数目:2高度:4.2米(统一高度)

城门谷嘅滑水梯主打嘅唔係佢高度同刺激,佢分层设计令人特别难忘,令滑水梯适合一家大细玩,唔会太过刺激!要数最特别都係可以将主池一分为二嘅设计,但一家大细嚟绝对适合,位于荃湾区对市区居民比较方便!

滑水梯$17就有得「瀡」
城门谷独有:一层层滑水梯
滑水梯$17就有得「瀡」
城门谷游泳池

(夏季开放时间)游泳池开放时间:06:30-22:00 (暂停开放时段:12:00-13:00及18:30-19:30)逢星期一休息地址:荃湾城门道21号查询:2416 0522 / 2414 8985 / 2212 9738

7.天水围游泳池

滑水梯数目:3高度:8米(统一高度)

位置係天水围市中心,滑水梯设计有小小似马鞍山游泳池,加上三条滑水梯统一都係8米高,所以算是刺激!但记得有2个天水围泳池(屏山天水围 vs 天水围),千祈唔好搞错呀!

滑水梯$17就有得「瀡」
天水围游泳池
滑水梯$17就有得「瀡」
天水围游泳池
滑水梯$17就有得「瀡」
游泳池开放时间

(夏季开放时间)游泳池开放时间:06:30-22:00 (暂停开放时段:12:00-13:00及18:30-19:30)逢星期四休息地址:天水围天柏路1号查询:2446 9057 / 2446 1103

8.上水游泳池

滑水梯数目:3高度:4.4米(统一高度)

上水呢3条滑水梯同平日公园嘅「瀡滑梯」形状一模一样,咪睇佢咁短就冇杀伤力,冇转弯位嘅设计令速度直线上升!追求刺激首选,包你玩上瘾!

滑水梯$17就有得「瀡」
上水游泳池

(夏季开放时间)游泳池开放时间:06:30-22:00 (暂停开放时段:12:00-13:00及18:30-19:30)

逢星期四休息地址:上水天平路38号查询:2679 4844 / 2679 2863

最多滑水梯!9.大埔游泳池

滑水梯数目:6高度:6.5米,8.5米(各3条)

全港滑水梯数目之冠,非大埔游泳池莫属!其中三条高度有8.5米,比马鞍山的矮小小,6条滑水道包围左整个泳池四分之一!当中部分斜度较低,感觉以玩上年嘅Slide the City,上年错过咗嘅可以嚟大埔呢度感受下!

滑水梯$17就有得「瀡」
睇真啲又有小小似slide the city喎⋯⋯
滑水梯$17就有得「瀡」
大埔游泳池

(夏季开放时间)游泳池开放时间:06:30-22:00 (暂停开放时段:12:00-13:00及18:30-19:30)休息日:逢星期一地址:大埔汀太路11号查询:2661 2244 / 2665 5058

香港公众游泳池 入场费

成人:$17 (星期一至五);$19 (星期六、日及公众假期)长者、儿童、学生、残疾人士及其陪同者:$8(星期一至五);$9 (星期六、日及公众假期)3岁以下幼童:免费月票:300元(年满60岁长者、残疾人士及其一名陪同者、3至13岁儿童和全日制学生半价)泳池开放时间:按此

你会喜欢下面的文章? You'll like the following article.